VOV4.M’nông: Công ty Cổ phần vaccine Việt Nam (VNVC) mhe an gĭt, nchrăp ntơm bah khay 7 tât, ăp pơh mbra geh 1 rkeh dĭng vaccine AstraZeneca sĭt Việt Nam. Aơ lah rnoh vaccine gŭ tâm trong tâm ton rvăt 30 rkeh dĭng vaccine bah công ty. VNVC lah đơn vị lor bôk năp ndơ̆ rlău 176.000 dĭng vaccine njrăng n'gang COVID-19 AstraZeneca sĭt Việt Nam ntơm bah kêng dŭt khay 2. Lĕ rngôch rnoh vaccine dja dơi ndơ̆ an Bộ Y tế rhŏ dŏng pah kan njrăng n'gang nuh srê an kơl dơm. Geh tât vaccine đŏng, dơi geh nău nơm an đă bah Chính phủ, kêng măng 20-6 ta tach ndeh păr hăn dak bah dih Nội Bài, Ban Đối ngoại Trung ương, Bộ Ngoại giao n'hanh Bộ Y tế hŏ kan nsum đah Đại sứ quán dak Cộng hòa nhân dân Trung Hoa ta Việt Nam dơn 500.000 dĭng vaccine Vero-Cell bah Sinopharm.

Nuĭh rblang: Điểu Thân