VOV4.Mnông- Kêng măng nar 23/9, ta ntŭk kan Đại sứ quán Việt Nam ta Campuchia lĕ geh ƀư rơh ntơm mbơh nău kan ăp nuĭh băl bâh ntŭk pah kan mât uănh Bom mìn ASEAN. Nău kan yor ntŭk pah kan mât uănh Bom Mìn ASEAN (ARMAC) tâm rgop đah Đại sứ quán Việt Nam n’hanh kruanh n’gâng kan nchră nău đah dak bah dih-tâm kơl lam ntur neh Campuchia leo ƀư. Ntoh ngơi ta rơh lễ, groi Thủ tướng, kruanh n’gâng kan nchră nău đah dak bah dih Campuchia Prak Sokhom lĕ rnê âk nău kan bâh Việt Nam mpeh nău dăn đă njêng mpôl nuĭh băl kan ndrel bâh ntŭk pah kan mât uănh Bom mìn ASEAN. Groi Thủ tướng lah na nê̆ nău kan aơ mbra kơl an ntrôl tay lơn nău nsrôih uănh nđôi bom mìn, nsĭt tay nău rêh ueh nsum an ƀon lan ăp dak ta nkual. Mpeh đah Campuchia kuăl đă ăp dak băl, ntŭk kan, doanh nghiệp tâm dak n’hanh bah dih dak kơl tay pah kan bâh ARMAC đah ntrong tât râng, tâm rgop an ntŭk kan mhe mbơh tơih nĕ.

        Nuĭh rblang: Thị Đoắt