VOV4.Mnông-Ôi nar 10/11, lĕ geh ƀư rơh ntơm pơk rƀŭn nchră đê̆ dak kruanh n’gâng kan mât rnă njrăng ăp dak ASEAN (ADMM đê̆ dak) tĭng trong trực tuyến đah nău tât râng bâh kruanh n’gâng kan mât rnă njrăng ăp dak ASEAN. Thiếu tướng Pehin Hanbi, kruanh n’gâng kan tal 2 n’gâng kan mat rnă njrăng ngih dak Brunei leo rơh rƀŭn nchră. Ta rơh rƀŭn nchră, lôch geh djăt ndơn kan Brunei mbơh nău tâm kơl kơp bâh rơh rƀŭn nchră ADMM tal 15 n’hanh rơh rƀŭn nchră ADMM+ tal 8, ăp kruanh n’gâng kan tâm mbơh nău mĭn kan mpeh nău mpŏng kan tơm khlăy bâh ADMM di rơh kahgĭt 15 năm ADMM. Ntoh ngơi ta rơh rƀŭn nchră, Đại tướng Phan Văn Giang, kruanh n’gâng kan mât rnă njrăng ngih dak, kruanh mpôl kan Việt Nam lah na nê̆: mât rnă njrăng, đăp mpăn dak lêng, đăp mpăn trong trôk lah nău dơi geh bâh ngih dak ta lam ntur neh, yor nĕ ASEAN an geh tĭng jăp nău way mpeh dak lêng biển Đông.

Nuĭh rblang: Thị Đoắt