VOV4.M'nông: Rơh hop Đại hội đồng 76 bah Liên hợp quốc nar 14/9 ntơm pơk ngăn. Ntoch jong ntơm bah nar 14 tât 30 khay 9, aơ lah du rgum nchră khlay gay Liên hợp quốc nchră ăp nkô̆ nău jêr bah lam ntŭr neh tâm ban kơt ăp ntul rlong ma ăp dak lăp kan nsum ân tâm rdâng. Rơh hop Đại hội đồng Liên hợp quốc ƀư tâm rnôk nuh srê Covid-19 hôm tât krit nji, yor kơt nê̆ nkô̆ nău rdâng lơh ndăn ngăch nuh srê geh nău tam ma trong pă an vaccine, ndơ dŏng dak si n'hanh phác đồ săm ji an lĕ rngôch ăp nuĭh lam ntŭr neh lah nău ma kruanh rđău kan ăp dak lah rjăp ta rơh ntơm pơk. Tổng thư ký Liên hợp quốc Antonio Guteres kuăl jă tĭng ƀư ăp rnoh tât kan tâm rơh rdâng lơh đah nuh srê  COVID-19. Gay tĭng ƀư rnoh tât kan ma Đại hội Đồng Liên hợp quốc hŏ ndơ̆ luh nklăp lam ntŭr neh mô dơi an chuêl ăp rnoh khlay n'gâng tơm ma Liên hợp quốc hŏ ntơm ƀư, tâm nê geh rdâng lơh rgâl duh nđik trôk nar, dŭt bah ngăn tâm lơh tâm su lam ntŭr neh./.

Nuĭh rblang: Điểu Thân