VOV4.M’nông: Kêng măng 27/4, tâm trôm bôk nău kan tăch rgâl lam ntŭr neh (WTO), ôp uănh tay ăp tŏng lĕ rngôch trong kơl tăch rgâl tâl 2 bah Việt Nam dơi Bộ Công Thương ƀư ma trong pơk sŏng dăng. Ntơh măt Mpôl Việt Nam, wa Trần Quốc Khánh - Thứ trưởng Bộ Công Thương hŏ nkoch luh ăp nău dơi hŏ geh dŭt uĕh n'hanh ntoh lư bah Việt Nam kơp ntơm bah rơh ôp uănh tay ăp tŏng lam lĕ rngôch trong kan tăch rgâl lor bôk năp tâm năm 2013, nkre lah rjăp nău nsrôih tĭng ƀư tay tâm rnôk lăp rgum lam lĕ rngôch, jru hvi, rgâl geh wăng sa tâm ban kơt tĭng ƀư jăp ăp nău ton dak bah dih. Ta rơh hop, ăp nuĭh ntơh măt dak lăp kan nsum WTO hŏ nchih nkah nău hun hao bah jâng wăng sa Việt Nam, nkre n'gluh ăp nău ôp gay nuĭh ntơh măt mpeh Việt Nam ơh kơt: ntŭk tăch rgâl Việt Nam, nău way trong tăch rgâl n'hanh ntuh kơl, trong kan tăch rgâl mpeh nău way mpông n'har, sŏk soăy tăch n'gluh n'glăp an rong dơh, mât njrăng tăch rgâl, dŏng nău gĭt blău bôk rngok, rvăt năp chính phủ, trong kơl hun hao du đêt n'gâng kan khlay kơt tuch tăm mât rong, tui ka, ŭnh nar, công nghiệp, ntung trong nchuăn rdeng, rhŏ dŏng viễn thông....

Nuĭh rblang: Điểu Thân