VOV4.M'nông: Nar 8/9 ƀư tâm nchră Bộ trưởng Tâm boh Me Kong – Hàn Quốc tâl 11 tĭng trong ƀư pơk sŏng dăng. Tâm nchră hŏ nkah ndray 10 năm tâm boh Me Kong – Hàn Quốc n'hanh ntơm 1 năm n'hao tâm boh têh dơi jŏ jong lam lĕ rngôch. Ăp Bộ trưởng rhơn rnê ăp nău dơi geh tâm boh tâm bah ri aơ nơh, lơn lah tâm 7 trong kan an ƀư lor, ma ntoh lư lah ăp trong nchrăp rdâk njêng nkual ƀon têh ăp tŏng nău lư, tuch tăm bên di đah rgâl duh nđik trôk nar, ntĭm nti n'hanh tiăr nti nghề kỹ thuật, n'hanh an ƀư ăp nău kan bah Ntŭk rgum gŭ mĭn nsum mpeh tơm dak. Mpeh trong rƀŏng tâm boh tâm rơh mhe, Bộ trưởng tâm ban ŭch n'hao dăng tâm boh mât kân nuh srê n'hanh dâk hao tay wăng sa- rêh jêng kon nuĭh. Mpeh an ƀư geh nău tam trong nchrăp kan Me Kong – Hàn Quốc 2021- 2025, Tâm nchră lah rjăp du đêt nkô̆ tâm boh na nê̆ tâm let năp tay tâm nê geh nău nta trong dơh an ăp n'hong hoch tăch rgâl, ntuh kơl n'hanh âk ntil rêng ƀư pă an nkual n'hanh n'hao âk kan nsum, tâm ntop kơl nsum đah ASEAN n'hanh tâm ăp rơh tâm boh Me Kong êng ƀa ƀă./.

Nuĭh rblang: Điểu Thân