VOV4.M'nông: Tâm nchră gưl Bộ trưởng ASEAN mpeh nkô̆ nău ma túy tâl 7 (AMMD7) hŏ ntơm pơk ôi 14/10 ta Campuchia ma trong pơk sŏng dăng. Tâm nchră gưl Bộ trưởng ASEAN mpeh nkô̆ nău ma túy ndơ̆ luh trong rƀŏng chính trị n'hanh hăn têh jong an ăp dak ASEAN tâm nkô̆ nău rdâng lơh ntŭk nde n'hanh pơk hvi tăch rgâl bah ăp ntil nău tih ma túy mô geh nău way, rđău đă ăp dak ASEAN tĭng ƀư ăp trong njrăng n'gang ma túy rƀŏng tât geh du ASEAN mô ma túy. Ta rnôk tâm nchră gưl Bộ trưởng ASEAN mpeh nkô̆ nău ma túy rơh dja, ăp dak mbra ƀư uănh năl tĭng ƀư 2 trong nchrăp kan mpeh nkra nô nău ma túy tâm nkual lah: Uănh năl n'gul năm kan trong nchrăp tâm boh ASEAN mpeh njrăng, n'gang ƀư njêng, tăch rvăt mô geh nău way ma túy ta nkual pe njônh khlay lvang năm 2020-2022 n'hanh Trong nchrăp dâk kan ASEAN nsrôih mât njrăng nsum mpôl rdâng lơh ma túy mô geh nău way lvang năm 2016-2025.

Nuĭh rblang: Điểu Thân