VOV4.M’nông: Ôi 5/7, ta Nhih pah kan Trung ương Đảng, Tâm nchră tâl 3 Ban Chấp hành Trung ương Đảng khoá XIII hŏ ntơm pơk rgum.

Tâm nchră Trung ương rơh dja geh nău kan: Tâm nchră, n'glêh an du đêt nkô̆ nău khlay kơt: Trong nchrăp hun hao wăng sa- rêh jêng kon nuĭh 5 năm 2021 - 2025; mĭn uănh, an dŏng nău way pah kan bah Ban Chấp hành Trung ương, Bộ Chính trị, Ban Bí thư n'hanh nău way pah kan bah Uỷ ban Kiểm tra Trung ương năm kan khoá XIII; Quy định dŏng mpeh Điều lệ Đảng n'hanh Quy định mpeh pah kan ôp uănh, groi nđôi, kỷ luật bah Đảng năm kan khoá XIII; dăp rgum tay ăp tŏng nuĭh kan ăp săk kruanh rđău kan bah ăp nhih pah kan ngih dak năm kan Quốc hội khoá XV gay Quốc hội sơch mô lah an dŏng ta rơh hop bôk năp bah Quốc hội khoá XV bơi tât; n'hanh du đêt nkô̆ nău khlay êng ƀa ƀă. Lah ta rơh ntơm pơk tâm nchră, Tổng Bí thư Nguyễn Phú Trọng lah rjăp aơ lah ăp trong nchrăp kan dŭt khlay, têh hvi, geh nkô̆ khlay n'glêh an tât nău dơi rnoh kan, nău kan hun hao wăng sa- rêh jêng  kon nuĭh tă bah Đại hội tâl XIII bah Đảng hŏ ndơ̆ luh./.

Nuĭh rblang: Điểu Thân