VOV4.M’nông: Lơ 2/8, rơh rƀŭn Kruanh n’gâng kan nchră nau ASEAN tal 54 ndrel ăp rơh rƀŭn êng geh tât ntơm geh ƀư. Ăp rơh rƀŭn geh ƀư tĭng nau kan trực tuyến đah nau râng bah âk N’gâng kan gưl prêh ASEAN ndrel ăp dak kan nsum. Rơh rƀŭn Kruanh n’gâng kan nchră nau ASEAN rơh aơ Brunei ƀư tơm, ăp Kruanh n’gâng kan nchră nau ASEAN mra tâm nchră âk nau kan tâm nkuăl ndrel lam ntur neh ndrel uănh khlay. Tâm nê nau tơm lah ndâk ASEAN, nsôih rdâng đah srê Covid-19, nau tât mpeh chính trị Myanmar, nau kan Biển Đông…Mpeh nau rdâng srê Covid-19, ăp Kruanh n’gâng kan nchră nau ASEAN mra lŏ nxchră âk nau kan ASEAN rdâng đah srê Covid-19, ndâk nau kan hăn ro ta ASEAN gay pơk trong nơih ân nau hăn ro yor nau kan ndrel nau tăch rgâl bah rmôt, đăp mpăn tĭng nau ntrŭnh dak si./.

Nŭih rblang: H’Thi