VOV4.M’nông: Kêng măng 12/7, ta Ngih kan Quốc hội geh rơh rƀŭn tal 58 bah Uỷ ban Rnâng kan Quốc hội. Geh tâm 3 nar, âk nkô̆ nau khlay mra uănh ta rơh aơ. Quốc hội gưl 15, Hội đồng săch kan neh dak mbơh nau tă geh nau dơi ntoh măt Quốc hội gưl 15. Jêh nê, Uỷ ban Rnâng kan Quốc hội rgop nau mpeh nau ƀư, rnoh nŭih kan tâm Chính phủ năm kan 2021-2026, mpeh nau nŭih gay mbơh Quốc hội kŏ kơt lah nchrăp rƀŭn bôk năp, Quốc hội gưl 15. Uỷ ban Rnâng kan Quốc hội rgop nau mpeh nau ntrŭnh ntuh kơl Bôk nau kan neh dak ndâk njêng ƀon mhe mhe lvang năm 2021-2025 ndrle ntuh kơl Bôk nau kan bah neh dak n’huch ach o ndrel nau rêh jêng nâp nâl năm 2021-2025, nau nchrăp rklaih tơm prăk ân rmôt kan dak pring Việt Nam rnôk trok ăp rnoh prăk ntop rnoh dŏng ndơ bah Bôk nau kan tih pring Nghi sơn./.

Nŭih rblang: H’Thi