VOV4.M’nông: Ôi lơ 29/6, HĐND n’gor Gia Lai gưl XII, năm kan 2021-2026 hŏ ntơm rơh rƀŭn bôk năp. Aơ lah rơh rƀŭn geh nau khlay, pơk bôk ân nau kan tơm ngăn bôk năp bah HĐND n’gor ndrel n’gâng kan n’gor Gia Lai năm kan 2021-2026. Ta rơh rƀŭn aơ, HĐND n’gor mra uănh, ntrŭnh du đê̆ nkô̆ nau khlay geh: Nau mbơh lôch rơh săch kan ntoh măt HĐND n’gor ndrel nau mbơh nau tă geh ndơn nau dơi bah ntoh măt HĐND n’gor gưl 12, năm kan 2021-2026, ntrŭnh nau ndâk Rnâng kan Ban Dân tộc HĐND n’gor ndrel ntơm săch ăp nŭih rđau kan tơm bah n’gâng kan gưl n’gor gưl 12, djăt Uỷ ban MTTQ Việt Nam n’gor mbơh rgum nau, đă bạh cử tri tâm ăp rơh tâm mâp đah cử tri ndrel nŭih ntơh măt HĐND n’gor gưl 12, năm kan 2021-2026, uănh ntrŭnh nau kan ƀư ân dơi rơh rƀŭn vay ăp năm 2021 bah HĐND n’gor gưl 12./.

Nŭih rblang: H’Thi