VOV4.M’nông: Ôi lơ 17/8, ta ngih kan Quốc hội, ntơm rƀŭn rơh tal 2 bah Uỷ ban Rnâng kan Quốc hội. Geh ƀư tâm 2 nar, rơh rƀŭn aơ, Uỷ ban Rnâng kan Quốc hội mra rgop nau tâm nau nchrăp 4 nkô̆ nau têh, tâm nê geh nau rgop bôk năp mpeh nau nchrăp ân rơh rƀŭn tal 2, Quốc hội gưl 15. Ta rơh rƀŭn aơ, Uỷ ban Rnâng kan Quốc hội rgop nau mpeh nau mbơh bah Chính phủ tâm nau ƀư ăp nau kan, nau kơl an bah Bảo hiểm xã hội, mât ndrel dŏng tơm prăk bảo hiểm xã hội năm 2020, uănh, ntrŭnh mpeh nau kan, nau ƀư ndrel rnoh pă ntop nau nchrăp dŏng tơm prăk Ngih dak năm 2022. Ta nar rƀŭn, Uỷ ban Rnâng kan Quốc hội mra uănh nchrăp rơh rƀŭn bôk năp, Quốc hội gưl 15 ndrel rgop nau tâm nau nchrăp ân rơh rƀŭn tal 2, Quốc hội gưl 15, rgop nau mpeh nau nchrăp nau kan bah Hội đồng Dân tộc, ăp uỷ ban bah Quốc hội, uănh, ntrŭnh nau ndâk, rklaih jăng ntŭk kan mêt uănh hình sự quân khu ndrel tâm ban, ntŭk kan mêt uănh hình sự nkuăl tâm tahen ƀon lan./.

Nŭih rblang: H’Thi