VOV4.M’nông: Ôi lơ 22/11, ta Ngih kan Quốc hội, ntơm Bôk rơh rƀŭn tal 5 bah Uỷ ban Rnâng kan Quốc hội. Rơh rƀŭn geh tâm 2 nar, tâm nê, Uỷ ban Rnâng kan Quốc hội rgop tâm âk nkô̆ nau khlay. Mpeh nau kan ndâk pháp luật, Uỷ ban Rnâng kan rgoơ tâm nau nchrăp nau ntrŭnh bah Uỷ ban Rnâng kan Quốc hội mbơh du đê̆ điều bah Bộ luật Hình sự. Rgop nau mpeh nau ntrŭnh bah Chính phủ ntop 02 nau nchrăp Luật tâm bôk nau ndâk njêng luật, pháp lệnh năm 2022, nê lah Luật rgâl nkra, ntop tay du đê̆ điều bah Luật Mrô vô tuyến điện, Luật khám, săm ji (rgâl nkra), nkre rgop nau mpeh nau ký nau tâm ton Bảo hiểm xã hội đah Cgính phủ Việt Nam ndrel Chính phủ Hàn Quốc. Ta rơh rƀŭn aơ, Uỷ ban Rnâng kan Quốc hội kŏ uănh nau mbơh nau ƀư nau dŏng nau mât tơm prăk Bảo hiểm xã hội lvang năm 2019-2021 ndrel nau ntrŭnh dŏng nau mât tơm prăk Bảo hiểm xã hội lvang năm 2022-2024. Uănh mbơh nau tă geh uănh nau ntrŭnh quy phạm pháp luật tâm nau kan ƀư bah Hội đồng Dân tộc, ăp uỷ ban bah Quốc hội./.

Nŭih rblang: H’Thi