VOV4.M’nông – Kruanh nchră nău Anh Liz Truss nar 7/11 lĕ phong nău rdôl lơh nchrŏng tâm Thủ tướng Iraq Mút-xta-pha An Ka-hi-mi. Tâm du nău mbơh nchih tâm trang Twitter êng pơng, Kruanh nchră nău Anh nkoch nău kơl đah Chính phủ, rmôt rnă njrăng n’hanh nuĭh ƀon lan Iraq tâm nău mbơh ntlơi nău tâm lơh chính trị. Wa kơl nău kuăl jă n’hŭch oi, mât đăp mpăn bah Thủ tướng Mút-xta-pha An Ka-hi-mi. Ta năp nĕ, nuĭh ntoh ngơi N’gâng kan tâm rnglăp nchră nău Mỹ Ned Price lĕ phong nău rdôl lơh đah ndeh păr mô geh nuĭh ƀĭt nchrŏng tâm Thủ tướng Iraq n’hanh kuăl aơ “nău ƀư rŭng răng mô kloh na nê̆”. Tĭng nuĭh ntoh ngơi N’gâng kan nchră nău Ned Price, mpeh Mỹ dôl ôp rjăp đah ăp rmôt rnă njrăng Iraq n’hanh đă ntop kơl tâm rnôk uănh nđôi nău rdôl lơh. Tâm rnôk nĕ, tivi Al-Arabiya mbơh nău ntoh măt N’gâng kan nchră nău A-rập Xê-út ndŭih ăp nuĭh ƀư rdôl lơh nchrŏng tâm Thủ tướng Iraq, an lah aơ nău ƀư rŭng răng.

Nuĭh rblang: Y Sưng Phê Ja