VOV4.M’nông – Ta ôi 10/8, ta Jay ndeh miền Đông n’hanh jay ndeh miền Tây, UBND ăp n’gor Dak Lak, Kiên Giang tâm rgop đah UBND nkual ƀon têh HCM ƀư ăp bôk ndeh njŭn nuĭh ƀon lan sĭt ƀon tơm đah nău ntop kơl ndeh bah Công ty Phương Trang. Trong kan dăp njŭn dơi nchrăp ƀư uĕh, nuĭh ƀon lan dơi pă ta ăp nkual êng êng tĭng nkuăl hăn sĭt, đăp mpăn tâm ƀah. Lĕ rngôch ăp nuĭh hăn sĭt geh sam ƀŭt ŭanh năl Covid-19 hôm e tam mô lah mbra dơi test ngăch dâl ta jay ndeh. Âk nuĭh sĭt ƀon tơm rơh aơ lah nuĭh pah kan roh nău kan, sinh viên, nuĭh ƀon lan sĭt nkual ƀon têh HCM geh nău kan êng n’hanh khan rnôk gŭ tâm nkhah. Tâm kêng măng 10/8, ta Jay ndeh miền Đông, UBND n’gor Phú Yên ƀư njŭn nuĭh ƀon lan Phú Yên sĭt ƀon tơm rơh 6 đah rlău 600 nuĭh.

Nu^h rblang: Y Sưng Phê Ja