VOV4.M’nông – Ôi nđaơ (23/7), Kruanh Quốc hội Vương Đình Huệ ƀư tơm rơh rƀŭn đah ăp ntŭk kan, n’gâng kan, nău kan geh tât gay kơp uănh tay ăp nău kan, uănh lah, rhoăt nău blău ơm nău ƀư rơh rƀŭn jêh 4 nar pah kan bôk năp. Jêh tâm nchră ta rơh rƀŭn aơ, tâm rnôk srê Covid-19 dôl geh jêr jŏt ta âk ntŭk, âk đại biểu Quốc hội lĕ đă Quốc hội an nkoch nău mĭn êng nơm mpeh ƀư tĭng ăp n’glôn jêh, Ntĭm đă bah N’gâng kan Chính trị, ăp Công điện bah rnâng kan Ban Bí thư n’hanh hăn ndrel đah Chính phủ tâm trong kan njrăng n’gang srê Covid-19. Kruanh Quốc hội Vương Đình Huệ tâm ban ŭch, Quốc hội mbra mô an du Nghị quyết êng mpeh njrăng, n’gang Covid-19 yơn mbra ndâk ƀư mbơh an, ngih pah kan bah Quốc hội ntơm uănh nđôi gay Quốc hội uănh mĭn, tâm nchră n’hanh ndơ̆ nkô̆ nău aơ tâm Nghị quyết nsum bah rơh rƀŭn bôk năp, nsơr ty mbơh an ta dŭt rơh rƀun.

Nuĭh rblang: Y Sưng Phê Ja