VOV4.Mnông- Nar 11/11, ta thủ đô Matxcơva- Nga lĕ geh ƀư rơh rƀŭn nchră đah bôk nău “Matxcơva-Hà Nội: Nău ŭch tâm kơl wăng sa n’hanh khoa học kĩ thuật”, Di rơh tât khâl ngăn ta LB Nga tât tay bâh kruanh dak Việt Nam Nguyễn Xuân Phúc. Bôk nău kan tơm bâh rơh tâm nchră lah tâm nchră mpeh nău tă blău kan n’hanh công nghệ ta rơh tâm rdâng đah nuh srê Covid-19, đah nău tât râng bâh ăp công ty têh bâh Nga n’hanh Việt Nam ta ntrong kan ƀư dak si n’hanh ndơ dŏng dak si. Ta rơh tâm nchră, ndơn kan bâh ăp doanh nghiệp lĕ mbơh mpeh ăp nău dơi tâm nău pah kan jan sa, pă an, ndơ̆ mbơh nău kan công nghệ mpeh dak si n’hanh vacxin, ndơ dŏng tâm n’gâng kan dak si, tâm ban kơt nău dơi pơk hvi tâm kơl kan ndrel, hun hao ntŭk tăch rgâl. Rơh rƀŭn nchră ntrôl nău tâm kơl đah ăp doanh nghiệp Việt Nam n’hanh LB Nga tâm ntrong kan nkra ƀư vacxin n’hanh dak si săm Covid-19 dŭt khlăy tâm rơh mhe aƀaơ. Tâm khay 10 bôk năm đah Việt Nam n’hanh Liên bang Nga, tăch ndơ an dak bah dih dak si bâh Nga tât Việt Nam geh hao rlău 3,5 tơ̆, geh 39 rkeh đôlar.

Nuĭh rblang: Thị Đoắt