VOV4.M'nông: Ôi 1/11, Groi Thủ tướng Lê Văn Thành ƀư tơm tâm nchră pơk sŏng dăng mpeh nô nău an tĭng ƀư pah kan đă ntrơn du n'hanh ntuh kơl rdâk njêng tach ndeh păr hăn dak bah dih Long Thành (Đồng Nai). Mbơh bah Bộ Giao thông vận tải an gĭt, tât aƀaơ pah kan đă ntrơn du rong ntŭk ƀư tach ndeh păr hăn dak bah dih Long Thành, tâm lĕ rngôch rnoh 5 rbăn ha hŏ sŏk mplơ̆ geh rlău 3 rbăn 800 ha geh 77% trong nchrăp.

Ndranh ƀư mpêr n'gar n'har neh geh 75% rnoh âk nău kan. N'glôch jêh ta rơh tâm nchră, Groi Thủ tướng Lê Văn Thành an gĭt aơ lah trong nchrăp dŭt khlay tâm trong tĭng ƀư hun hao jŏ jong mpeh n'gâng kan ntung trong. Ăp Nghị quyết bah Trung ương ntrŏng aơ lah ndơ ƀư rgum tơm n'hanh ân lôch jêh tâm năm 2025. Rnôk ƀư lôch jêh mbra njêng muh măt mhe an n'gâng kan trong trôk, bah ir lhăt bêng an nkual ƀon têh Hồ Chí Minh n'hanh lah suan ntrôl hun hao wăng sa bah lĕ ma nkual, lơn lah bah n'gor Đồng Nai. Yor kơt nê̆ ân ƀư lôch jêh di rnoh ndơ̆ luh. Ta năp măt an lor ƀư jêh nhuĭh bôr tĭng si ƀŭt weh ntrŏng bah Bộ Giao thông vận tải gay bôk khay 1/2022 mbra an ƀư./.

Nuĭh rblang: Điểu Thân