VOV4.M’nông: Ôi lơ 18/6, ta Hà Nội, N’gâng kan tuch tăm ndrel Hun hao ƀon lan ndrel N’gâng kan nkoch mbơh nau ndrel bư tơm nar rƀŭn trực tuyến lam dak “Ntrơn rgâl mrô tâm nau kan tuch tăm ndrel hun hao ƀon lan”. Tŭng nau ntrŭnh bah Thủ tướng Chính phủ mpeh Bôk nau kan ntrơn rgâl mrô neh dak năm 2025, rƀŏng tât năm 2030, ntrơn rgâl mrô tâm nau kan tuch tăm gay ndâk ntŭk, ntrong mrô tuch tăm ƀư tơm, njêng ntrong, ntrŭt dăng tă bah “Tuch tăm ơm” jêng “Văng sa tuch tăm”, hun hao nau kan tuch tăm prêh mhe tĭng trong rƀŏng tât nau uănh khlay tuch tăm blau mhe, tuch tăm tâm di, n’hao rnoh geh bah nau kan tuch tăm mro tâm jâng văng sa. Tĭng bôk nau kan ntrơn rgâl mrô neh dak bah Việt Nam, tuch tăm geh uănh năl lah 1 tâm 8 nau kan kơl an ntrơn rgâl mrô. Gay ntrơn rgâl mrô jêng nau kan tuch tăm, ân geh dŏng nau kan prêh tă bah nau tuch tăm, ê nkra, mât prăp, nchuăng ndreng, tăch rgâl./.

Nŭih rblang: H’Thi