VOV4.M’nông: Thủ tướng Chính phủ Phạm Minh Chính mhe rđau ăp N’gâng kan, ntŭk kan, nkuăl ntrŭnh ƀư du đê̆ nau kan ndal gay ma kơl an năn ân nkuăl ƀon têh Hồ Chí Minh ndrel du đê̆ n’gor, nkuăl ƀon têh mpeh ba dâng ntrŭnh ƀư ân ueh ăp nau kan njrăng, rdâng srê, đăp mpăn nau rêh ân ƀon lan ndrel mât nau dơi ăp nau kan văng sa, rêh jêng khlay tâm nkuăl. Tĭng nê, Thủ tướng Chính phủ Phạm Minh Chính đă ăp Kruanh n’gâng kan, rđau ăp ntŭk kan tâm ban bộ, Kruanh UBND ăp n’gor, nkuăl ƀon têh pơk trong nơih lơn tâm nau kan ndơn nŭih pah kan, nŭih ƀon lan tă bah nkuăl ƀon têh Hồ Chí Minh ndrel ăp n’gor, nkuăl ƀon têh mpeh ba dâng sĭt tâm nkuăl ndrel đăp mpăn nau ntrŭnh mpeh nau njrăng, rdâng srê. Đăp mpăn ndoh ndơ dŏng, ndơ ngêt sa, âk ndrel ma ntrơn leo năn tă bah ăp nkuăl tât nkuăl ƀon têh gay ma kơl an nau rêh bah ƀon lan, mô ân nau rmeh, nau mô tŏng mô lah kol, kơp ân ueh, pă ân năn, kơl an ăp tơm vắc xin ân nkuăl ƀon têh ndrel du đê̆ n’gor, nkuăl ƀon têh mpeh ba dâng gay ƀư ueh nau kan chuh n’gang vắc-xin du trong khoa học, tâm ban, đăp mpăn, săk tam./.

Nŭih rblang: H’Thi