VOV4.M'nông: Nar ntri (17/9), Tổng thống Mỹ Joe Biden hŏ ƀư tơm Rgum nchră ŭnh nar n'hanh rgâl duh nđik trôk nar đah ăp jâng wăng sa têh gay n'hao dăng ăp nău ton mpeh rgâl duh nđik trôk nar. Rnôk Anh n'hanh Liên hợp quốc bôk pơh bah kơi tay mbra ƀư du rơh tâm nchră mpeh rgâl duh nđik trôk nar bah meng rơh hop tâl 76 Đại hội đồng Liên hợp quốc. Aơ lah ăp nar kan khlay nchrăp an Tâm nchră khlay mpeh rgâl duh nđik trôk nar bah Liên hợp quốc (COP26), tâm bôk khay 11 tât, gay ntrŭt ntrôl nău nsing nơm, nău ton đah ăp ding tât râng. Tâm rơh ôp báo chí ta nhih pah kan Liên hợp quốc ta New York, Mỹ, Tổng thư ký Liên hợp quốc Antonio Guterres mpơl nău klach rvê mpeh geh ma nău tâm nchră COP 26 ƀư ta Anh mbra mô geh nău dơi tă bah mô geh nău nsing nơm đah ăp dak hŏ hun hao, dôl hun hao, tâm ban kơt nău du đêt jâng wăng sa mhe ntoh mô geh nău mpŏng ƀư bah rgâl duh nđik trôk nar./.

Nuĭh rblang: Điểu Thân