VOV4.M’nông: Ăp ntŭk nkoch mbơh nau mhe bah Nhật Bản nchih lơ 22/11 kơt Mai-ni-chi, Níc-kây, Ji-ji...kŏ ndơ̆ mbơh nau mpeh nau hăn khâl ngăn Nhật Bản bah Thủ tướng Chính phủ dak Cộng hoà xã hội chủ nghĩa Việt Nam Phạm Minh Chính ntơm lơ 22-25/11. Nau nchih Mai-ni-chi lah rjăp, Thủ tướng Phạm Minh Chính lah rđau kan bôk năp tât khâl ngăn Nhật Bản kơp ntơm rnôk n’gâng kan bah Thủ tướng Kishida Fumio ntơm njêng. Rơh khâl aơ gay ƀư nâp nau tâm boh tâm âk nau kan kơt rnă njrăng, văng sa...rƀŏng tât nau ƀư kan tâm nkuăl Ấn Độ-Thái Bình Dương dah rŏng ndrel pơk hvi. Tâm rơh khâl rnôk aơ, tâm lơ 24/11, Thủ tướng Phạm Minh Chính mra geh rơh tâm nchră đah Thủ tướng Kishida Fumio, nchră mpeh ăp nau kan bah lam ntur neh, pơk hvi ăp rmôt ƀư nau kan hăn ntĭm nti tâm Việt Nam pah kan ta Nhật Bản, nau kan lam ntur neh geh n’ăp ma nkuăl dak lêng Biển Đông ndrel Hoa Đông./.

Nŭih rblang: H’Thi