VOV4.M’nông: Đah nau u\ch rlet rlau tâm nau rêh, ăp năm rlau aơ, âk đoàn viên druh ndăm ta n’gor Kon Tum ho\ ndâk nau kan geh nau dơi leo nsi\t nau rêh hơm răm ân săk nơm, rnăk vâl, pă kan pah ân âk nu\ih kan n’hanh rgop tâm nau hun hao bah [on lan. Âk nau nkah âk lơn lah mô đê\ băl mom ho\ janh lơi nau kan bah nơm tâm nkuăl [on têh têh gay si\t [on tơm nơm pah kan tuch tăm gay ndâk nau kan.

Năm 2015, Hoàng Ngọc Trí lôch nti ngih săm [u\t Đại học Công nghệ-Đại học Quốc gia Hà Nội. Êng đah âk băl mom êng ri bu joi tât ăp nkuăl [on têh têh gay ndâk nau kan, Trí si\t ơon nơm đah nau u\ch ndâk nau kan tâm [on tơm Kon Tum. Do\ng 5 ha cà phê bah me mbơ\ tâm nkuăl Đăk Hà [ư tơm prăk bôk năp, jêh âk năm rlong, Trí ân luh ntil cà phê bôk năp geh nau moh săk, ndrel ntu\k ê nkra bôk năp đah nau moh cà phê Mbrơi. Kơt ti\ng ăp nau kan rnôk leo mât chăm nâp nâl n’hanh ndoh ndơ leo do\ng ngêt lah ăp ntil grăp cà phê ueh ngăn, jêh rlau du năm ndâk, bu ndăm nê ho\ njêng 5 ntu\k tăch cà phê. Êng nê, ntil cà phê Mbrơi ho\ geh ta âk ntu\k, kơt: Đà Nẵng, nkuăl [on têh Hồ Chí Minh, Cần Thơ…

Hoàng Ngọc Trí nkoch, nau ôp mhâm [ư ho\ leo nô geh nau tât mât chăm n’hanh ndâk kan tă bah cà phê:

 ‘Gâp  ndơ\ êng nau ôp, mhâm [ư me mbơ\ gâp ho\ răk rong gâp tă bah tơm cà phê ma mhâm [ư gâp mô chuăt ti\ng n’hanh ntru\nh mra [ư dui ntil nau kan ma geh tât cà phê. Ntơm bôk năp gâp vâr cà phê đah glang khang, du tơ\ vâr ry 2 lạng dơm. Tât jo\ ri ntu\k tăch ho\ geh, gâp nchră nau đah rnăk vâl hăn nchăm ân gâp manh prăk ngân hàng lăp tâm Sà Gòn rvăt máy móc, ndâk ngih gay leo vâr cà phê n’hanh pơk ntu\k tăch cà phê bôk năp ta Đăk Hà. Jêh nê 6 khay ri lo\ pơk tay ntu\k tăch tal 2 ta Kon Tum”.

Nau ueh ngăn tâm nau kan ndâk njêng kan pah bah druh ndăm Kon Tum lah di\ng le\ ăp bôk nau kan rgum tâm kan tuch tăm mô lah geh tât nau kan tuch tăm. Âk băl mom ho\ ân saơ geh nau  dơi âk nti. Nau dơi bah apư nau kan, kơt nau tuch tăm, nau le mât chăm tuch tăm-tăch byăp kloh, mât rong âk ntil mpa rong…geh n’hâm rêng lam, bonh đă ngăn tata nau kan ndâk njêng kan pah bah nkuăl druh ndăm tâm [on lan.

Ntu\k  tăm sêt kloh Tây Nguyên bah nô Nguyễn Trọng Hoà, sinh viên ơm tă nti ngành Vi sinh-Sinh học ngih săm [u\t Đại học Khoa học Tự nhiên, Đại học quốc gia nkuăl [on têh Hồ Chí Minh lah du nau ntuh mhô. Ntơm nau tă geh nti, păng jăng si\t Kon Tum đah tơm prăk bôk năp ê tât 10 rkeh, jêh rlau 4 năm “pah kan lôch n’hâm, njêng nau blau lôch n’hâm”, Nguyễn Trọng Hoà ho\ ndâk geh ntu\k tăm sêt kloh ta [on Kon Sơ Lam 2, Phường Trường Chinh, nkuăl [on têh Kon Tum, leo nsi\t nau săk geh văng sa rlau 400 rkeh/năm.

Nkoch tât nau blau gay geh nau dơi, Nguyễn Trọng Hoà ngơi:

 ‘ Geh bar nau kan geh tât nau dơi bah gâp. Tal bôk năp lah nơm ân geh nau u\ch. Nau u\ch tâm âk nau kan ma nơm mra ndâk njêng. Nau u\ch tâm nau kan mra ntơm pah kan gơih n’hanh geh nau blau tâm nau mi\n kan tăch rgâl ma ntơm ndâk. Rnôk nơm geh nau u\ch ri mra geh nau nsôih tâm nau kan. Nau nchrăp tâm nau kan joi nau kan. N’hanh rnôk geh nau u\ch ri nơm mra geh nau blau mhe âk lơn. Êng nau u\ch ri nơm gay jêng nu\ih kan blau tâm nau kan nê”.

Hăn ndrel, bonh kơl n’hanh rđau nau kan bah mom ndăm tâm nkuăl, Đoàn n’gor Kon Tum ho\ tâm rgop ngăn đah Ntu\k ngih săm [u\t Đại học Đà Lạt ta Kon Tum ndrel âk nu\ih [ư nau kan tăch rgâl njêng ntu\k kan gay ma bonh đă ăp nau mi\n ndâk nau kan. Ndrel đah nau kan kơt uănh joi nau blau mhe, tâm nthoi ntơm ndaka kan, [ư nau kan mhe…du ntu\k kơl an tơm prăk kan ân ăp nau ndâk kan bah sinh viên, kon se nti n’hanh druh ndăm bah n’gor dôl ntơm jêng geh nau u\ch lah n’hâm sial mhe ân nau u\ch ndâk kan bah băl mom hao prêh.

Yuh Nguyễn Thị Kim Loan, Groi Giám đốc ntu\k kơl an druh ndăm-Đoàn n’gor Kon Tum, ngơi:

 ‘Ntu\k kan  rgum tâm nau ndâk kan pah ân druh ndăm ngăn lah nau kơl nchră nau kan. Ngăn lah nchră ăp nau u\ch ndaka nau pah kan jan sa bah druh ndăm n’hanh nau u\ch [ư sâm geh bah druh ndăm tâm lam n’gor Kon Tum lah du\t têh ngăn”.

Lah n’gor geh nau rêh jêng hôm mâp âk nau jêr rđil ăp n’gor êng tâm Tây Nguyên, Kon Tum mô di lah ntu\k nơih gay ndâk kan pah. Yơn lah tă ăp nau ndâk nau kan geh nau dơi tâm n’gor aơ ân saơ, dôl geh ăp nu\ih mom geh âk nuih n’hâm nsôih, janh rgâl nau mi\n, nau kan n’hanh mra ti\ng nau dơi gay leo nsi\t nau rêh hơm răm ân săk nơm, rnăk vâl ndrel rgop tâm nau hun hao bah n’gor nơm./.

                           Nu\ih rblang: H’Thi