VOV4.M’nông: Ăp nau mbơh ta Irắc ân gĭt, geh tât 72 nŭih ndrel nŭih kơl nchră nau kan bah Mỹ geh rhuăt luh bah ntŭk tahen Ba-lát, n’gor Sa-la-hu-đin, ngai ma Thủ đô Bát-đa nklăp 80km, jêh du rơh rdôl lơh tâm ntŭk tahen aơ. Ăp nŭih aơ geh ntrơn leo tât nkuăl I-rbil, tâm ntŭk mât njrăng êng bah rnoi Kurd, ta mpeh ba lơ I-rắc. Bah năp du năm, ăp tahen Mỹ hŏ ăp nhoat leo ntrơn ntŭk gŭ ta hen rnôk rdâng nau rdôl lơh ma phao ŭnh bah rmôt dân quân Iran. Thủ tướng I-rắc Mu-xta-fa An Ca-đi-mi, lah rjăp, ăp nau rdôl lơh ma phao ŭng dôl rƀŏng tâm nŭih I-rắc, yor ntŭk kan tahen Ba-lát geh n’ăp ma ndeh mpăr ndrel rmôt tahen I-rắc gŭ âm, yơn mô di êng tahen Mỹ./.

Nŭih rblang: H’Thi