VOV4.M’nông – Ôi 23/5, lăp ndrel mông nar lam dak rlău 427.000 nuĭh ƀon lan bah n’gor Dak Nông ta 680 ntŭk nklăch phiếu lĕ ntơm  săch nuĭh ntoh măt Quốc hội khóa 15 n’hanh nuĭh ntoh măt HĐND ăp gưl năm kan 2021-2026. Tâm rnôk răm rhơn bah nar rgum rnoi mpôl, ta nkual nklăch phiếu mrô 4, Ƀon Njriêng, ƀon Bu Sop xă Dak Nia, Tp Gia Nghĩa, rlău 900 nuĭh ƀon lan geh măt bah ơm gay râng ntơm ƀư n’hanh ƀư tĭng nău kan nuĭh ƀon lan bah nơm.

Kônh wa ƀư tĭng di tâm ƀah đăp mpăn rnôk hăn săch ta Dak Nông

Nuĭh ƀon lan K’Bơn, ta ƀon Dinh, xă Dak Nia, Tp Gia Nghĩa lah:

 Ôi aơ 6 mông n’gul lah kônh wa lĕ hăn săch. Kônh wa dŭt tĭng rjăp nău ntrŭnh wăn bok put mbung, rao puh kaman, tâm bah ăp nuĭh 2 mét tĭnh nău ntĭnh đă bah n’gâng kan dak si. Rnăk wâl gâp tĭng dŭt rjăp mông nar n’hanh di nuĭh gĭt blău, nuĭh nsing nơm.

Nuĭh rblang: Y Sưng Phê Ja

Nuĭh rblang: Y Sưng Phê Ja