VOV4.M’nông – Jêh âk rơh trôk nar tât ndal dak Indonesia bah bôk năm tât aƀaơ, hang rbăn nuĭh ƀon lan lĕ ký du sam ƀŭt dăn đă Tổng thống mbơh an nău ndal đah trôk nar. Dăn đă dơi ndơ̆ rnôk geh dak lip n’hanh pĭch rlâm neh geh ta mpeh bah lơ luh nar dak Indonesia tâm âk nar bah năp ƀư hang rhiăng nuĭh khĭt n’hanh roh. Rlău 180 nuĭh n’hanh rmôt kan lah nuĭh bah ntrong leo “Rlu nău khuch khat” lĕ ƀư dăn đă aơ. Ntoh măt nuĭh dăn đă bah rmôt kan “Đăp mpăn uĕh nđĭr”, wa Adila an gĭt, nuĭh ƀon lan ŭch ôp nău ton bah kruanh đah ntŭk ntô gŭ âm. Tĭng wa Adila, nu nău ndal đah trôk nar an dơi mbơh gay lah mpeh âk nău khuch trôk nar tâm âk năm bah năp ta Indonesia, dŭt âk lah ăp nău khuch yor trôk nar n’hanh rgâl trôk nar duh nđik ƀư.

Nŭih rblang: Y Sưng Phê Ja