VOV4.M’nông – Nar 18/6, rkeh nuĭh ƀon lan bah dak Iran lĕ hăn nklăch phiếu tâm rơh săch Tổng thống rơh tal 13 bah dak aơ. Rơh săch Tổng thống Iran ƀư tâm rnôk jâng wăng sa dak aơ tâp tâm nău jŭr hŭch hô tâm ăp năm bah năp yor khuch bah ăp nău rmal ma Mỹ an. Wăng sa Iran lĕ hŭch tay rnôk kơp dơn ăp rnoh hŭch 6,8% tâm năm 2018-2019 n’hanh hŭch 6% năm 2020. Ntoh luh nău hao mhe lĕ hao ndal n’hanh dâk ta rnôk rlău 45%, tâm rnôk prăk kaih hŭch âk nkôp đah prăk đôlar Mỹ. Bah meng ăp nău rmal bah Mỹ, Iran dôl rdâng đah âk jêr jŏt yor srê Covid-19. Tâm rnôk mâp âk jêr jŏt n’hanh ntŭl rlong, ăp nuĭh ƀon lan Iran mpŏng rơh săch Tổng thống năm 2021 mbra nsĭt tay nău uĕh mhe, kơl dâk hao jâng wăng sa ơm lĕ dâk gâng yor ăp nău rmal lam ntŭr neh.

Nŭih rblang: Y Sưng Phê Ja