VOV4.M’nông – Ơh nău báo chí Nhật Bản, nuĭh dơi săch Kruanh Đảng Tự do Dân chủ (LDP), Kruanh nchră nău ơm Kishida Fumio kuăl jă du ndơ ntrŭt nsôr âk rlău 30 rbăn rmen yên (tâm ban 270 rmen đôlar Mỹ) gay n’hŭch nău khuch wăng sa bah srê Covid-19. Bah năp nĕ nar 15/9, wa Kishida Fumio mbơh tâm rlong ƀư Kruanh bah Đảng Tự do Dân chủ, pơk trong an rơh tâm rlong an ndơ thủ tướng Nhật Bản. Wa Kishida ton lah jêng thủ tướng, pơng mbra đă Ngân hàng Trung ương Nhật Bản (BOJ) mât nău hao 2% n’hanh ăp bôk nău kan ntrŭt snôr rdâk nsơm tay wăng sa. Bôl ndrĭ, ăp nuĭh way kan an lah nău rƀŏng dăn đă Ngân hàng Trung ương Nhật Bản mô na nê̆ đah du jâng wăng sa lĕ jŏ dôl geh nău hao tâm ban ma mô.

Nŭih rblang: Y Sưng Phê Ja