VOV4.M'nông: Nar ntri (23/8), ta Seoul, Hàn Quốc, Nuĭh đă hăn kan Mỹ mpeh nkô̆ nău hạt nhân Triều Tiên Sung Kim, hŏ rgum nchră đah nuĭh ntơh măt mha êng bah Hàn Quốc mpeh nkô̆ nău đăp mpăn n'hanh rnă njrăng ta gôl dak Triều Tiên Noh Kyu-duk, gay tâm nchră mpeh nkô̆ nău Triều Tiên. Bar ding tâm nchră mpeh ăp nsrôih nsum gay nthoi tay tâm nchră mpeh ƀư bah hạt nhân ta gôl dak Triều Tiên n'hanh hŭch bah duh jêr tâm nkual, lôch rnôk Triều Tiên geh ăp nău rlăch dun rơh nti tâm lơh Mỹ- Hàn Quốc dôl ƀư. Wa Sung Kim lah rjăp, aơ lah rnôk khlay đah nkô̆ nău gôl dak Triều Tiên n'hanh Mỹ mbra tâm boh lhăt tay đah Hàn Quốc tâm ăp nkô̆ nău geh tât Triều Tiên. Plơng tay, wa Noh Kyu-duk mpơl nău mpŏng an lah, ăp ding ân ngăch ngăr n'hanh blău ƀư mhe gay ntrŭt ntrôl ăp nău nsrôih rƀŏng tât ƀư bah hạt nhân ta gôl dak n'hanh plơ̆ njêng đăp mpăn jŏ jong ta gôl dak Triều Tiên./.

Nuĭh rblang: Điểu Thân