VOV4.M’nông: Jêh 21 nar săm tâm ngih dak si Hiăn ndrel klơm soh n’gor Dak lak đah 3 tŏ xét nghiệm mô geh hôm ntưp srê Covid-19, ôi lơ 22/6, nŭih ji mrô 7186 hŏ luh bah ngih dak si. Nŭih ji ntưp srê Covid-19 mrô 7186 tâm xã Cư Mốt, nkuăl Ea H’Leo, n’gor Dak Lak. Nŭih aơ geh saơ ntưp ma srê SARS-Cov2 tâm lơ 30/5. Aơ lah nŭih ji geh tât rkum ji tâm ntŭk chroh rƀŭn Phục Hưng tâm nkuăl ƀon têh Hồ Chí Minh.

Nŭih ji mrô 7186 hŏ luh bah ngih dak si

Geh tât nŭih aơ, UBND nkuăl Ea H’leo ân nchueng tâm 3 thôn ndrel 9 ntŭk đah rlau 2.500 nŭih. Ƀư nau tâm nkhah tĭng nau rđau mrô 15 bah Thủ tướng Chính phủ đah nkuăl têh Ea Drăng, xã Ea Wy, xã Cư Mốt đah 36 rbăn nŭih. Jêh luh ngih dak si lŏ sĭt tâm ngih gay ma uănh n’hâm soan tâm di nau ntrŭnh bah N’gâng kan dak si./.

Nŭih rblang: H’Thi