VOV4.M’nông: Nuĭh tâm pă kan nkual Ấn Độ Dương- Thái Bình Dương bah Mỹ Kurt Campbell mĭn lah, Mỹ n'hanh Trung Quốc mbra hôm geh du trong tâm lăp nsum, yơn aơ lah du nău ntul rlong dŭt jêr jŏt.Tĭng wa Kurt Campbell, tâm ăp ntil tâm boh, mbra geh ăp lvang năm khay mô gĭt ngăn, mô dơn nê lah n'hao jêng duh jêr. Yơn lah, kruanh Mỹ năl lah đŏng, mbra lah ntul rlong dŭt têh gay đăp mpăn nău Mỹ n'hanh Trung Quốc ndrel tâm lăp nsum đah lĕ ma du rơh kơn dja n'hanh rơh kơn bah kơi tay. Kơp ntơm bah rnôk dơn nău kan bôk năm aơ, Tổng thống Mỹ Joe Biden hŏ mât nău mĭn lhăt đah Trung Quốc. Păng mĭn lah Trung Quốc lah "dak tâm rlong dŭt têh" bah Mỹ. Nuĭh tâm pă kan nkual Ấn Độ Dương- Thái Bình Dương bah Chính phủ Mỹ an gĭt, Mỹ dôl gŭ mĭn ăp trong blău ƀư mhe tăch rgâl ta Châu Á.

Nuĭh rblang: Điểu Thân