VOV4.M’nông: Nau Tâm nchră hun hao tâm nkuăl 2021, yor Học viện Chính trị Quốc gia ƀư ôi aơ 13/7. Ta nar tâm nchră, ăp ntoh măt nchră ăp nau mhe ndrel ntrong kan kơl an ăp nkuăl hun hao văng sa, rêh jêng. Ntŭk tơm bah nau tâm nchră lah ta Hà Nội ndrel geh nkoch tât ăp ntŭk tâm nchră sŏng bah ăp n’gor, nkuăl ƀon têh tâm Trung ương. Nau tâm nchră hun hao bah n’gor năm 2021 geh nkô̆ nau “Ƀư tĭng nkô̆ nau hun hao nau kan ueh nâm ơm” mra geh tâm nchră ăp nkô̆ nau ueh gay hun hao bah ăp nkuăl, rgum tâm ăp nau kan n’hao săk geh nau kơt tĭng nau kan tâm ntŭk rgâl mhe mrô ndrel ăp nau geh jêng bah nau hun hao ndrih gay rlet bah srê Covid-19, hun hao lơn tay. Nau tâm nchră geh 2 rơh nchră pah kan ƀư nkô̆ nau hun hao tâm rnôk nau ueh mhe ndrel ăp nau nkhêp mpeh nau hun hao ndrih ndrel nau mpŏng ŭch rlet rlau bah srê Covid-19./.

Nŭih rblang: H’Thi