VOV4.M’nông – Ôi aơ, 24/11, ta Hà Nội, Rƀŭn nchră Văn hóa lam dak mbơh ƀư Nghị quyết Đại hội nuĭh ntoh măt lam dak rơh tal 13 bah Đảng mbra ƀư đah nău ƀư tơm bah Tổng Bí thư Nguyễn Phú Trọng. Jêh 75 năm Rƀŭn nchră Văn hóa lam dak rơh bôk năp (24/11/1946) dơi ƀư, Rƀŭn nchră Văn hóa lam dak năm 2021 geh nkô̆ nău dŭt khlay, gay rdâk hao nău ŭch bah lam rnoi mpôl gay hăn du rach năm mhe, rgum hun hao ngăch n’hanh nâp nâl neh dak. Rƀŭn nchră mbra an mông nar uănh lah săk rnglăy ƀư tĭng nghị quyết Đại hội nuĭh ntoh măt lam dak rơh tal 12 bah Đảng mpeh trong kan văn hóa, njroh mprơ....; bah nĕ tâm ban ŭch trong rƀŏng, nău kan khlay pah kan văn hóa, njroh mprơ tâm lvang 2021-2026, uănh tât năm 2045. Đah nău mpŏng geh âk săk rnglăy jêh rƀŭn nchră mbra jêng du n’hâm soan rdâk hao nău ŭch hun hao neh dak uĕh lăng; mât uĕh nuih n’hâm n’hanh soan dăng tâm rnglăp lam rnoi mpôl, ntop đah soan dăng mhe.

Nŭih blang: Y Sưng Phê Ja