VOV4.M’nông: Ntŭk nkoch mbơh nau Kyodo Nhật Bản mhe mbơh nau tă geh ôp nau bah ƀon lan mhe ngăn mpeh nau săch kan Hạ viện geh tâm lơ 31/10 tât. Tĭng nê, tâm nkuăl geh săch kan ntoh măt, geh bơi tât 30% cử tri nchrăp nklăch phiếu ân Đảng Dân chủ Tự do LDP, tâm rnôk knŭng rlau 11% nau nchrăp săch ân đảng nŏng êng têh ngăn Đảng Dân chủ Lập hiến. Đah nkuăl săch kan du nsưng kan, nklăp 36% cử tri kơl an du hê nŭih tă bah Liên minh yor LDP rđau, tâm rnôk bơi tât 20% cử tri ntoh tâm nau kơl an đah du hê nŭih kan tă bah ăp đảng nŏng êng. Nau kan ân geh săch lăp ƀư kan Hạ viện hŏ ntơm tâm lơ 19/10. Ăp cử tri bah Nhật Bản ƀư nau săch kan tâm lơ 31/10 gay ma săch luh 465 nsưng kan, tâm nê 289 nsưng kan mra geh săch tâm ăp ntŭk nklăch phiếu du snưng ndrel 176 nsưng mra geh săch tĭng rnoh ƀư ntoh măt geh kơp. Liên minh đảng mât nau kan LDP ndrel Đảng Công minh ndơ̆ nkô̆ nau đê̆ ngăn geh 233 nsưng dêh ngăn lơn rđil rnoh 305 lor ma Hạ viện geh nsŭng nau kan./.

Nŭih rblang: H’Thi