VOV4.M’nông: Lah ta năp báo chí nar 1/7, Bộ trưởng Pring xăng Iraq Ihsan Abdul Jabbar an gĭt, Nhih pah kan ăp dak tăch n'gluh pring xăng n'hanh ăp dak tâm boh (OPEC+) hŏ ntruch tay nar tâm nchră gưl Bộ trưởng gay ƀư tay ăp rơh tâm nchră mpeh trong kơl rnoh âk. Bah năp nê nar 30/6, nhih pah kan ăp dak tăch n'gluh pring xăng n'hanh ăp dak băl tâm boh rgum hop gay n'glêh an trong kơl rnoh âk tâm khay 8 n'hanh nar n'glĕ dơi pă an. Tĭng trong nchrăp hŏ dơi ăp dak tăch n'gluh pring xăng dâk bôk năp n'hanh ăp dak băl tâm  boh lah Nga n'hanh Saudi Arabia tâm ban ŭch lor bôk năp, mbra n'hao rnoh âk nkret njêng hao geh 400 rbăn thŭng/nar ntơm bah khay 8-12/2021. Yơn lah, Ăp tiểu vương quốc Arab dơn ngoăy (UAE) hŏ rlăch dun nău dăn đă dja tâm rơh  hop. Rgum nchră Ủy ban Groi nđôi nsum gưl Bộ trưởng (JMMC) tâl 31 n'hanh Rgum nchră Bộ trưởng tâl 18 bah ăp Nhih pah kan ăp dak tăch n'gluh pring xăng n'hanh ăp dak băl tâm boh mbra ƀư nthoi tâm nchră tay tĭng trong pơk sŏng dăng bah ngai tâm nar aơ (2/7)./.

Nuĭh rblang: Điểu Thân