VOV4.Mnông- Tĭng nău mbơh bâh rơh rƀŭn nchră, nar aơ, Quốc hội geh rơh ôp nău n’hanh ơh nău ôp đah kruanh n’gâng kan kế hoạch n’hanh đầu tư, Thủ tướng Chính phủ Phạm Minh Chính mbra ƀư kloh na nê̆ ăp nău geh tât n’hanh ơh nău ôp bâh Đại biểu Quốc hội. Tâm kêng măng nar 11/11, kruanh Quốc hội lĕ leo rơh rƀŭn nchră leo ôp ơh nău rmôt kan tal 4 bâh ntrong kan kế hoạch n’hanh đầu tư. Âk nău duh ndal lĕ geh đại biểu Quốc hội mbơh ôp đah kruanh n’gâng kan kế hoạch n’hanh đầu tư Nguyễn Chí Dũng, kơt lah: Ntrong kan ndâk nsơm n’hanh hun hao wăng sa tâm nău mhe; kơl an, doh rklaih jêr jŏt an doanh nghiệp gay ma ndâk nsơm, hun hao pah kan jan sa, tăch rgâl, ntrong kan ntrôl ngăch nău kan pă prăk ntuh kơl nsum, ngăn lah ăp nău kan tơm khlăy bâh ngih dak. Ơh nău ôp bâh đại biểu, kruanh n’gâng kan Nguyễn Chí Dũng uănh năl, nău mbrơi pă prăk ntuh kơl nsum lah yor mbơh nău kan ntuh kơl ta ntŭk. Mpeh ntrong kan ndâk nsơm n’hanh hun hao wăng sa tâm rơh mhe, klruanh n’gâng kan Nguyễn Chí Dũng lah na nê̆, rnoh kơl an n’gâng kan wăng sa ta năm 2009 lĕ dơi geh săk rnglăy kơl ndâk nsơm nău wađng sa lôch nĕ, yơn lah an saơ nău tă gĭt blău gay ma rdâk njêng rnoh kơl ndâk nsơm wăng sa geh mbơh ƀư ueh tâm di lơn đah rơh let năp tay.

Nuĭh rblang: Thị Đoắt