VOV4.M’nông – Pakistan lĕ ƀư rƀŭn nchră mpeh Afghanistan đah ăp đặc phái viên bah Mỹ, Trung Quốc n’hanh Nga, tâm rnôk kruanh nchră nău Pakistan mbơh lor dak kiău ma Afghanistan dôl gŭ ta kơh tŭp rŭch wăng sa. Aơ lah rơh bôk năp rmôt ăp dak aơ na nê̆ tâm mâp kơp bah rnôk Taliban hao djôt bôk ta Afghanistan tâm nar 15/8. Kruanh nchră nău Pakistan an gĭt, nsum mpôl lam ntŭr neh an ndăn nthoi tay ntop kơl geh ăp dak phương Tây mô an kơp bah rnôk Taliban hao djôt bôk n’hanh pă ntop kơl nuĭh. Ăp ngih pah kan kơl nuĭh nar lơ hao mbơh njrăng Afghanistan dôl tâm tâm du nău duh jêr kơl nuĭh hô ngăn yor jâng wăng sa dôl hăn rŭch yor lĕ rngôch ăp prăk ntop kơl lĕ nsrŭng n’hanh ăp nău n’hŭch bah lam ntŭr neh lơ hao lah nău mô tŏng dak dŏng.

Nŭih blang: Y Sưng Phê Ja