VOV4.M’nông: Lơ 28/4, rơh bôk năp Pakistan (neh dak êp Ấn Độ) kơp dơn rlau 200 nŭih khĭt yor srê Covid-19, âk ngăn tâm nar kơp ntơm bôk yan srê ndrel chính phủ Pakistan mbơh mra kơt tĭng ăp nau kan nchueng rdâng rjăp lơn. Rnoh nŭih khĭt ta Pakistan hŏ hao âk 17.530 nŭih ndrel rnoh nŭih ntưp hao bơi tât 811 rbăn nŭih. Tahen Pakistan hŏ geh ntrŭnh leo tâm 16 nkuăl ƀon têh geh rnoh nŭih ntưp âk gay ma kơl an ăp ntŭk n’gâng kan ntrŭnh ƀư ăp nau kan njrăng rdâng srê, kơt nau đă ƀon lan put ma bok put mbung tâm ntŭk âk nŭih ndrel ntâl mpông ăp ntŭk tăch rgâl ndơ mô lăng geh khlay jêh ba kơi 6h măng. Kruanh n’gâng kan dak si Pakistan Faisal Sultan nkah, ăp nau kan njrăng rdâng rjăp mra geh dŏng gay ma pơk hvi lơn lah nŭih ƀon lan kơt tĭng ăp nau đă mpeh nau tâm nkhah, put bok put mbung ndrel nau kan njrăng rdâng êng, ngăn lah tâm khay Ramadan./.

Nŭih rblang: H’Thi