VOV4.M’nông: Kruanh n’gâng kan nchra ưnau Pakistan Sa-ma-mút Quê-shi nkah nau tâm lơh ndrel rŭng răng ta Apganistan jêh rnôk Mỹ rhuăt luh tahen. Wa kŏ ton lah Pakistan mra ntâl mpông n’har bri đah Apganistan lah Taliban nkân njrăng neh dak êp aơ. Tĭng wa Quê-si, Pakistan hŏ ndơn geh nklăp 3 rkeh 500 rbăn nŭih tât gŭ ndeh Apganistan tâm âk năm ndrel mô ndơn tay đŏng. Ndri ma, Pakistan mra ntâl mpông n’har bri gay mât nau geh jêng bah neh dak. Kruanh n’gâng kan Pakistan kŏ lah rjăp mra lŏ nsôih nchră gay ntrŭt dăng nau kan đăp mpăn tâm nkuăl. Tâm rnôk Mỹ ndrel ăp dak dôl ma rgum luh tahen bah Apganistan, geh âk nau Taliban dôl pơk hvi nkuăl nkân./.

Nŭih rblang: H’Thi