VOV4.M’nông: Bah năp nau tât jêr bah srê ji, n’gor Dak Lak ndâk Ngih dak si leo săm ngăch mrô 2 (đah rnoh 1.5000 nsưng bĭch, ân tâm ngih săm ƀŭt Chính trị n’gor Dak Lak, mrô 1 Nguyễn Lương Bằng, Phường Tân Hoà, nkuăl ƀon têh Buôn Ma Thuột) gay ma săm ân nŭih ntưp đah srê Covid-19. Gay đăp mpăn ân ngih dak si ngăch leo lăp kan, tâm 2 nar 31/10 ndrel 1/11, công ty điện lực Dak Lak hŏ pă rmôt hăn pah kan ndal uănh, nkra, rnglăp ăp ntrong điện kơl an ngih dak si leo săm mrô 2.

Rmôt kan hŏ nkra nâp, uănh ueh trong điện tâm ngih, rgâl lơ rse têk điện, n’hao nau dăng ân trạm biến áp hao 400kVA ndrel nchrăp tay du ntŭk gay ma njrăng lor. Tât 5h kêng măng lơ 1/11, nau kan pă điện Ngih dak si hŏ jêh, nchrăp tŏng ăp nau dơi gay Ngih dak si geh ndơn nŭih ji lăp săm./.

Nŭih rblang: H’Thi