VOV4.M’nông: N'gor Dak Lak hŏ n'glăp dŏng Nhih dak si manh ntăm an mbrô 1 rhŏ dŏng an săm ăp nuĭh ji Covid-19 mpơl ji đêt. Nhih dak si manh ntăm an dŏng 3 rot jay ký túc xá Nhih nti Cao đẳng Sư phạm Dak Lak, lĕ rngôch 180 jrô đah 1000 nsưng bĭch ji.

Bác sỹ Nguyễn Ngọc Thịnh, Giám đốc Nhih dak si manh ntăm an mbrô 1, an gĭt, gay nhih dak si ơm dŏng kan geh nău ntop kơl dŭt têh bah điện lực Dak Lak:

“Dơn nkual ký túc xá mpôl hên pơk uănh tay điện dak ta aơ khuch khat dŭt âk. Mpôl hên hŏ đă tâm boh kan nsum bah Công ty điện lực Dak Lak n'hao oh nô công nhân tât kơl; n'hanh hŏ rgâl trạm biến áp gay n'hao công suất dŏng điện an nhih dak si manh ntăm an dja. Tâl bar lah công an mpôl hên manh 1 máy mpoh điện rnă ntêm lor đŏng gay njrăng rnôk roh ndal điện khuch tât nău kan but săm ji".

Nuĭh rblang: Điểu Thân