VOV4.M’nông – Nar pơh, lơ 23/5 tât, nuĭh ƀon lan bah n’gor Dak Nông mbra ƀư tĭng nău dơi săch ta 680 ntŭk nklăch phiếu. Rhŏ an nău khlay aơ, Công ty điện lực Dak Nông lĕ ƀư rĭng âk trong đăp mpăn pă điện tŏng ăp, na nao, đăp mpăn bah năp, tâm n’hanh jêh nar săch.

Măy pơk điện nchrăp lor bah PC Dak Nông

N’gor n’har bri geh rnoh neh hvi, trong điện gŭ ta ăp nkual yôk yang jêr jŏt, bôl ndrĭ, ăp ntŭk kan điện lực ta Dak Nông lĕ ƀư uănh nđôi ăp nar, măng, lơn lah ta ăp trong srê mô nâp. Nkre, ăp rmôt lĕ nchrăp tŏng ăp ndoh ndơ nchrăp n’hanh ăp ndoh ndơ dŏng đăp mpăn, nchră nkra ngăch rnôk geh nău khuch điện.

Uănh pă điện an nkual săch ta xă n’har bri Quảng Trực, Tuy Đức

Ăp ntŭk kan pă rmôt kâp njrăng, măy pơk nchrăp lor ta ăp ntŭk nklăch phiếu. Đah nău nchrăp uĕh, điện lực Dak Nông nsing nơm mbra tŏng ăp pă điện đăp mpăn, rgop tâm lôch uĕh bah nar rgum săch bah neh dak./.

Nŭih rblang: Y Sưng Phê Ja