VOV4.M'nông: Nar 20/9, Hãng dược phẩm Pfizer n'hanh BioNTech lah rjăp, vaccine Covid-19 ƀư jêng dăng chŏl an kon se ntơm bah 5 tât 11 năm deh. Bar nhih máy njêng dak si dja hŏ geh trong nchrăp dăn si ƀŭt an dŏng vaccine chuh an kon se tâm rnoh năm deh bah lơ nê ta Mỹ n'hanh Châu Âu. Ăp công ty an gĭt, vaccine hŏ njêng luh dăng chŏl ta kon se ntơm bah 5 tât 11 năm deh, tâm ban kơt nău dơi hŏ geh bah năp nê nơh ta rnoh năm deh ntơm bah 16 tât 25 năm deh. Ăp nău dơi rlong dja pă an du ntŭk nsing nâp gay hao mbơh rblang tât Nhih pah kan mât uănh dak si Mỹ (FDA) n'hanh ăp dak châu Âu dăn si ƀŭt pă an vaccine ngăch an kon se ntơm bah 5 tât 11 năm deh. Tĭng nchih rgum, ntơm bah khay 7, ăp nuĭh kon se ntưp Covid-19 hŏ hao nklăp 240% ta Mỹ. Tâm rnôk nê ăp nhih nti dôl geh trong nchrăp pơk tay mpông tâm khay djang dja./.

Nuĭh rblang: Điểu Thân