VOV4.M'nông: Tổng thống Pháp Emmanuel Macron -dak tâm pleh ƀư kruanh Hội đồng châu Âu ntơm bah 1 khay 1 năm tât - an  gĭt, Pháp mbra kuăl jă châu Âu rgâl trong ntĭt leo hun hao mhe lôch bah nuh srê gay kơl châu Âu jêng ntŭk nâp dăng lơn lĕ mpeh ƀư njêng, rgâl mhe n'hanh joi geh nău kan. Lah ta năp báo chí, Tổng thống Pháp nkoch kloh: “Lah he ŭch ban ngăch Mỹ n'hanh Trung Quốc, he ân gĭt chuat hăn let năp".  Tổng thống Pháp an gĭt đŏng, păng mbra dŏng 6 khay Pháp pleh ƀư kruanh Hội đồng châu Âu gay rgum du rơh hop mha êng bah Liên minh châu Âu tâm khay 3 tât. Ta aơ, Pháp mbra kuăl jă châu Âu an lor tâm nchră ăp trong rgâl nkra quy định ngân sách, bah hŭch pah pât ngân sách gay ntrŭt nsôr ntuh kơl lôch bah nuh srê n'hanh ntrŭt ntrôl hun hao wăng sa./.

Nuĭh rblang: Điểu Thân