VOV4.M’nông – Nuĭh ƀon lan Pháp nar 27/6 hăn nklăch phiếu tâm rơh săch ta ntŭk rơh 2 ta dak aơ. Êng đah rơh săch rơh 1 nar 20/6 mhe rlău, rmôt nuĭh ƀon lan Pháp hăn nklăch phiếu rơh 2 geh âk lơn. Ntơm bah ôi ơm, âk nuĭh ƀon lan ta thủ đô Paris lĕ geh măt ta ăp ntŭk săch, kâp gay nklăch phiếu. Jêh nklăch phiếu rơh 1 mhe rlău lĕ ƀư mô hoch dơi an lĕ đảng Nền Cộng hòa Tiến bước bah Tổng thống Emmanuel Macron n’ăp đảng Tập hợp quốc gia cực hữu bah wa Le Pen. Đảng Nền Cộng hòa Tiến bước mô dăng tâm lĕ 13 nkual hành chính têh ta Pháp tâm rnôk đảng bah wa Le Pen knŭng dơi dăng ngăn ta nkual Đông Nam dak aơ.

Nuĭh rblang: Y Sưng Phê Ja