VOV4.M’nông: Tổng thống Pháp Emmanuel Macron ôi lơ 12/10 mbơh du nau nchrăp ntuh kơl mhe geh rnoh 30 rmen euro gay hun hao nau kan ƀư tơm gay ma kơl anPháp ntul rlong đah ăp dak têh kơt Mỹ, Trung Quốc jêh aơ. Geh ntơ “dak Pháp 2030”, nau kan ntuh kơl mhe bah Pháp mra dŏng nau kơl an hun hao nklăp 10 nau kan tơm tâm nau ƀư nau kan ndrak nsiu rgum jê̆, ndơ dŏng hydrogen ndrih, nau kan trong n’hoch, chíp bán dẫn, nau kan sinh học mô lah pil ndeh điện...rnoh prăk ntuh kơl bôk năp lah 30 rmen euro ân 10 năm, ntơm rnôk aơ tât năm 2030. Tổng thống Pháp Emmanuel Macron kơp dơn, srê Covid-19 hŏ leo tât âk nau geh ntĭm mbơh ân ăp dak, tâm nê geh nau ntĭm nti leo nau rêh jêng bôk năp lah ăp dak ân geh ndâk ndrel mât dơi nau đăp mpăn ndrel ƀư tơm tâm nau kan tơm khlay bah nơm./.

Nŭih rblang: H’Thi