VOV4.M’nông: Tâm rnôk kuăl điện thoại tâm nchră mhe aơ, Tổng thống Philipin, Rodrigo Duterte ndrel Thủ tướng Nhật Bản, Suga Yoshihide hŏ ntoh ăp nau kan geh tât nau tâm boh đah 2 dak, tâm nê tâm ban nau mât nau rnă njrăng ndrel đăp mpăn tâm Biển Đồn. Nau mbơh bah Tổng thống Philipin ân gĭt, bar rđau kan hŏ geh nau tâm nchră ueh ndrel săk tam tâm 20 mnĭt, nchră nau kan kơt đăp mpăn ta Biển Đông, srê Covid-19, nau ntŭng dak lêng ndrel phung rlăng. Tổng thống Duterte ân lah, nau kan Nhật Bản n’hao nau râng tâm nau kan hun hao mpeh ba dâng ASEAN lah mpông trong gay ndâk tay văng sa, rêh jêng ndrel rnă njrăng tâm nkuăl aơ lah nsum ndrel nkuăl dak lêng Sulu ndrel Celebes lah êng. Tâm rnôk kuăl tâm nchră, lĕ 2 rđau kan kŏ ntoh nau rvê tât nau geh tât ta Myanmar ndrel ân gĭt mra tâm boh nsum gay ma rklaih nau aơ./.

Nŭih rblang: H’Thi