VOV4.M’nông: Bah năp nau nkri ngăn bah ăp ntil kman ntưp mhe SARS-Cov2, chính phủ Philippine hŏ ƀư rjăp lơn tay đah nkuăl n’har bri bah neh dak nơm đah nau pơk hvi nau mô ân lăp dak nơm dôl geh ƀư đah Oman ndrel ăp dak Vương quốc Arab thống nhất (UAE). Wa Harry Qoque, nŭih ntoh ngơi bah Tổng thống Philippines mbơh, nau mô ân aơ geh nchâp ntơm lơ 15/5 tât lôch lơ 31/5 đah ăp nŭih năch tă bah Oman ndrel UAE mô lah ăp nŭih geh nau tă hăn pâl n’aih tâm 2 dak aơ tâm 14 nar. Êp nê, Philipines kŏ nchrăp tay nau mô ân lăp dak nơm đah năch tă bah Ấn Độ, Pakistan, Nepal, Banglades ndrel Sri Lanka ân tât lôch lơ 31/5. Nau mô ân geh ntrŭnh jêh rnôk nau mhe bah ntil kman SARS-Cov2 tă bah Ấn Độ lăp tâm Philpines. Rnôk aơ, Taphilipne geh nklăp 2.500 nau ntưp kman tă bah dak Anh, Nam Phi, Brazil ndrel du hê ntưp mhe P3 yor Philipnes nơm saơ./.

Nŭih rblang: H’Thi