VOV4.Mnông- Tĭng rnoh kơp bâh Thương vụ Việt Nam ta Lào, prăk geh tăch rvăt ndơ đah bar ding Việt Nam-Lào tâm 11 khay năm 2021 geh rlău 1,2 rmen đôlar hao 33,8% đah khay aơ năm e. Tâm nĕ tăch ndơ an dak bah dih geh 541 rkeh đôlar, rvăt ndơ bâh dak bah dih geh rlău 666 rkeh đôlar. Nglôch lôch ta 11 khay, Việt Nam rvăt ndơ bâh Lào geh rlău 125 rkeh đôlar. Kơt nĕ tĭng di nău nchrăp ta khay 11/2021, prăk geh tăch ndơ đah bar dak hao n’hanh hao ngăch ta nău rvăt nglăp yor nuh srê ta Lào hôm nha geh ntưp rêng âk. Nchrăp prăk geh tăch ndơ đah bar ding lĕ năm 2021 mbra geh klâp ma 1,3 rmen đôlar, dơi geh nkô̆ mpŏng ŭch yor ủy ban bar chính phủ ngluh mbơh an n’gâng kan Công thương.

Nuĭh rblang: Thị Đoắt