VOV4.M’nông: Nthoi tay rơh hop bôk năp, Quốc hội khóa 15, ôi aơ (13/7), Ủy ban Thường vụ Quốc hội mbra mbơh lôch jêh tâm nchră ta Rmôt mpeh dăp rgum mpeh mât bôk kan bah Chính phủ. Nkô̆ tơm tâm lha si ƀŭt mbơh rblang bah Chỉnh phủ lah mât kơt ơm 18 bộ n'hanh 4 nhih pah kan tâm ban bộ kơt năm kan bah năp nơh. Lôch rnôk Chính phủ mbơh Quốc hội mpeh nău rblang, djăt nău rgop bah đại biểu Quốc hội mpeh dăp rgum mât bôk kan bah Chính phủ, nchrăp ăp đại biểu mbra tâm nchră, n'hơr ti ŭch an dŏng Nghị quyết mpeh dăp rgum, leo mât bôk kan bah Chính phủ năm kan 2021-2026 ma trong n'hơr ti ŭch pet ma điện tử. Lôch nê, Quốc hội djăt nău mbơh mpeh trong nchrăp prăk kaih neh dak, trong nchrăp manh, trok rnon ngih dak 5 năm lvang năm 2021-2025 n'hanh mbơh uănh năl di tay gưl bah lơ mpeh nkô̆ nău dja. Kêng măng, Quốc hội djăt si ƀŭt mbơh rblang mpeh trong nchrăp ntuh kơl rnoh tât bôk nău kan gưl neh dak n'hŭch ach o jŏ jong lvang năm 2021-2025, mbơh uănh năl di tay gưl bah lơ mpeh nkô̆ nău dja./.

Nuĭh rblang: Điểu Thân